Nakitaan it potensyal it anang maestra si Renz Eulogio sa editorial cartooning ngani nga gin’engganyo imaw nga mag’intra sa mga kompetisyon.
Halin sigon kat naghilig imaw hay nagpadayon eun ro anang karera sa nasambitan nga patag ag nakakauli it mga pagkilaea ukon mga awards.
Sambilog sa mga nadag’an ni Eulogio hay ro pagiging 7th place sa Regional Schools Press Conference sa Editorial Cartooning Category kontra sa ibang mga partisipaante sa bilog nga Western Visayas.
Suno kana nga masami imaw nga nagapractice para nga mas maging pamilyar sa mga napapanahon nga isyu ukon problema sa Pilipinas apang “bullying” nga makabig sigon nga “timeless” ro andang naging topiko.
Pahayag man nana nga mabahoe ro bulig it social media para nga makabueo it inspirasyon sa mga topiko nga pwede maging basehan it anang cartoons.
Pagpakigbahin ni Eulogio nga grabe man or suporta it anang mga kapamilya ag himata nga sanda pa kana ro naga’engganyo nga mag’intra sa mga kompetisyon.
Masayuran nga ro nasambitan nga categopry hay pagdrawing sa sangka exaggerated nga pamaagi parte sa mga issues ag concerns parte sa sangka topiko.
Pagklaro man ni Eulogio nga top 3 eamang sa nasambitan nga kategorya ro ipadaea sa National Schools Press Conference.
