Kapareho it pahayag ni Pinoy paul vaulter EJ Obiena nga “4th is the harshest place to be”, raya man ro posibleng nabatyagan it sangka ama matapos nga nagpangbaril it mga judges kat ginproklama nga pang-4th place eamang ro anang unga sa sangka regional beauty pageant sa Altamira, Brazil.
Daywang oras pagkatapos it pageant, ro ama nga ginkilaea kay Sebastiao Francisco hay nagpabutyag it anang pagkontra sa fourth-place finish it anang unga ag ginkwestiyon ro desisyon it mga hurado.
Owa raya nakuntento sa eksplinasyon it mga hurado rason nga ginbo-oe nana ro anang armas ag nagpangbaril. Nakapaeupok pa raya it makaywang beses apang insigida man nga ginbaril it military ag police nga nagabantay sa lugar.
Nagapadayon pa makaron ro imbestigasyon agud nga matumod kun ano kunta ro posibleng naging solusyon agud nga napugngan ro kamatayon it akig nga ama.
