KALIBO, Aklan—Kasunod it week long celebration it National Correctional Awareness Week hay naglunsar it nagkaeain eain nga programa ro Aklan District Jail para sa mga Person Deprived of Liberty (PDL).
Suno kay JO2 Honey Grace Martesano, Unit Welfare Development Officer it Aklan District Jail Female Dormitory nga naging madinaeag-on ro andang mga programa kun sa siin ro katuyuan kara hay agud nga mataw-an it importansiya ro mga PDL apisar nga nagapangatubang sa gihapon sa krisis ro nasyon tuga it covid-19 pandemic.
Samtang, ginpahayag man ni J/Insp. Joel Laquihon, Jail Warden it Aklan District Jale Male-Dormitory nga importanteng may mga aktibidadis nga ginapatigayon sa sueod it presuhan para sa mga PDL agud nga mabuligan ro andang mental health.
Dugang pa kara nga may mga livelihood programs nga ginplastar para sa mga raya kun sa siin hay nakakabulig gid para sa andang panggastos sa andang mga lawyer, pangbayad sa pagpatuon it andang mga inunga ag panggastos sa pamilya.
Nasayuran nga makarun hay may mga produktong ginahimo ro mga PDL it Aklan district jail nga ginbaligya sa sueod ag guwa it probinsya.
