KALIBO, Aklan—Owa it untoward incident nga nailista ro aklan police provincial office ukon APPO sa tiempo it bag-o eamang natapos nga Semana Santa.
Suno kay P/SSgt. Leonilyn Artes, public information officer it APPO nga umpisa ko nagtaliwan nga domingo nga monitoring, maayos man sigon ro mga lugar nga ginabantayan it kapulisan ag iba pang natungdan nga ahensiya it gobyerno ag iba pang mga law enforcements units eakip ro mga local government units ag mga barangay councils.
Partikular sigon nga nga ginbantayan it kapulisan kabulig ro mga barangay tanod ro mga matawong lugar kapareho it mga simbahan, bus terminal, pantala, airport ag iba pa.// nasayuran nga mag-eowas sa mga vehicular accidents hay owa man it nailistang naeumos makaron nga dag-on.
Madumduman nga sa pag umpisa it semana santa hay ginbutang man sa heightened alert ro bilog nga linya it PNP ag iba pang law enforcements units.
Sa pag uli it mga biyahero ag mga bakasyunista hay padayun ro andang pag monitor partikular ro pagbantay sa daeagan it trapiko.
