Gin-adopt it Aklan provincial government ro ginpaguwang Executive Order No. 03 ni Pangueong Ferdinand Marcos Jr. kon siin nakabaehag nga optional eon lang ro pagsuksok it face mask sa outdoor areas pinaagi man sa pagpaguwa it Executive Order No. 27 ni Aklan governor Jose Enrique “Joen” Miraflores.
Ginpaathag ni Jay Lorence Dionesio, vaccination manager it Provincial Health Office nga maskin optional ro pagsuksok it face mask sa open spaces hay may mga ginasunod gihapon kara nga konsiderasyon.
Kon ro open spaces nga lugar suno kana hay crowded required gihapon nga magsuksok it face mask agud nga malikawan ro transmission it virus.
Mag-eowas kara, kon nagasakay sa mga pampublikong saeakyan ag sa indoor places kaparehas it restaurants ag iba hay kinahang-ean gihapon nga isuksok ro face mask.
Sa raya nga pamaagi suno kana hay malikawan nga madugangan pa ro mga nagakasakit bangud sa virus nga daea it covid-19.
Ginpahayag dugang nga sundon gihapon ro ginapatuman nga minimum health protocols maskin nga ro probinsya it Aklan hay may mataas nga vaccination rate ag mabuhay eon nga ginbutang sa alert level one status.
