KALIBO, Aklan—Mabuhay eun nga ginpreparahan it gobyerno probinsiyal ro andang pagahimuon nga tikang agud nga pamaeabagan ro ginaduso nga Boracay Island Development Authority Bill (BIDA Bill) sa idaeum it Government Owned and Controlled Corporation ukon GOCC.
Suno kay Aklan Vice Governor Atty. Reynaldo Quimpo nga nagaeaum sandang mapamatian ro andang apela engkasong maipasaka eun raya sa Senado.
Madumduman nga pasado eun sa ikatlo ag ulihing pagbasa it manubong kapueungan it kongreso ro layi nga magatukod it BIDA Bill.
Sa botong 192 nga pabor ag 7 nga nagpamaeabag hay daeayon eun nga gin-aprubahan sa kamara ro House Bill 9826 nga sambilog sa mga prayoridad ni Pangueong Rodrigo Duterte.
Sa makarun hay ginpaeawig pa ag padayun nga ginadumaeahan it Boracay Inter-Agency Task Force (BIATF) ro bantog nga Isla it Boracay.
