KALIBO, Aklan — nagpanupod ro Aklan Provincial Government it educational ag food assistance kaibahan ro ahensiya it Provincial Social Welfare and Development office ukon PSWDO ko nagtaliwan nga adlaw it sa ABL Sports and Cultural Complex sa Capitol Site Kalibo. ]
Suno kay PSWDO-Aklan head Evangelina Gallega nga 2,000 nga mga college students ro nataw-an it tig-2,000 pesos samtang 500 man ro naka-avail it food assistance kon sa siin ro mga benepisyaryo hay naghalin sa Stimulation Therapeutic-Activity Center ukon STAC.
Raya hay halin sa programang Assistance to Individuals in Crisis Situations ukon AICS it ahensya.
Ro pondo suno kana hay naghalin kanday senador Joel Villanueva, Raffy Tulfo ag Ramon Bong Revilla Jr., nga ginpaagi kay Governor Joen Miraflores.
Ginpamilit ni Gallega nga maabu nga problema ro sektor it edukasyon rason nga padayun nga naga-usoy it pamaagi ro Provincial Government agud nga mabuligan ro mga raya,
Raya man suno kana ro rason kon ham-an nga nagtukod ro gobernador it “pagbulig center” agud nga may madangpan ro mga pumueuyu nga nagakinahangean it bulig.
Kada sementer sigon hay pwedeng magpangayo it ayuda ro mga estudyante, apang nakadepende raya sa availability it pondo.
