KALIBO, Aklan—Nakuhit it Aklanon athlete ro bueawan nga medalya sa Athletics Triple Jump sa Elementary level sa nagapadayon nga Palarong Pambansa 2023 sa Marikina City.
Suno kay athletics coach Jovie Ote, nakiayon ro kondisyon it eawas it Aklanon athlete ag ro tyempo rason nga nakadugang sa numero it medalya it Western Visayas.
Napasaalima ni Rhain Lavega Baladjay it Aquino Elementary School sa banwa it Ibajay ro bueawan nga medalya sa Athletics Triple Jump sa Elementary level.
Ginpahayag dugang nga confident sanda makabuoe it medalya ro nasambit nga atleta.
Samtang sa pihak nga parte, ginpahayag it anang trainor nga si John Michael Ibo it Ibajay Elementary School nga raya ro unang kahigayunan nga sumabak sa athletics game ro atleta maghalin sa district, unit ag provincial meet hasta nga nakaabot sa Palarong Pambansa.
Mag-eowas kara, nakakuhit man it silver ag bronze medals ro daywa pang atleta it Western Visayas.
Sa kabilugan as of alas-8:00 it gabie, ro Western Visayas sa Elementary division hay nagapanguna sa partial and unofficial medal tally nga nakabuoe eon it 24 nga medalya nga ginakaeakipan it tig-waeo nga gold, silver ag bronze medals.
