SHOWBIZ News —- Bakasyon grande ro aktres nga si Gabbi Garcia kaibahan ro anang ama sa Isla it Boracay pagkatapos it shooting sa pelikulang ‘Love You Stranger.’
Regalo ni Gabbi ro bakasyon sa anang ama nga nagselebrar it kaadlawan.
Ginpakigbahin kara sa anang social media ro pila sa mga litrato nga bo-oe sa andang kaibahan ro ama nga ginakabig kara nga anang “forever main man.”
Suno sa photo caption, na-appreciate sigon ni Gabbi ro tanan nga gin-obra it anang ama para kana eakip ro mga “sermons.”
Mag-eowas sa selebrasyon it kaadlawan it anang ama, todo enjoy man ro aktres sa anang bakasyon.
Antes ro anang Boracay trip, nag-post man si Gabbi sa anang Instagram account , kun sa siin ginpasaeamatan ro anang nobyo nga si Khalil Ramos ag ro andang grupo sa mga pagpahaum para sa andang lock-in sa serye nga “Angels.”
