BALITANG Espesyal —- Sangka eaeaki sa Texas, U.S.A. ro nakaangkon it kakaibang pet kat may makit-an nga alisiwsiw ukon grasshopper nga kulay pink!
Nagatrabaho bilang environmental inspector ro 33-anyos nga si Dirk Parker kat may makita imaw nga kakaibang klase it alisiwsiw.
Owa it ideya si Parker nga bukon it ordinaryo ro alisiwsiw nga anang nakita rason nga ginboe-an eamang nana raya it litrato.
Gin-post nana ro mga litrato sa anang mga social media accounts ag may sambilog imaw nga amigo nga nag-comment nga rare ro nasambit nga alisiwsiw.
Nag-Google search si Parker angot kara ag nakumpirma nana nga may rare condition ro alisiwsiw nga ginatawag nga Erythrism.
Ro erythrism hay sangka genetic mutation nga tuga it sangka recessive gene.
Tumaeagsahon nga matabu ro nasambit nga genetic mutation sa sangka alisiwsiw ag indi sanda makapa-abu bangud sa makutom nga kulay nanda nga madasig nga makita it andang predators .
Matapos matukiban ro angot sa pagiging rare it grasshopper, insigida raya nga ginbalikan ni Parker ag inalagaan bilang pet ag ginpangaeanan nga si Pinky.
