INTERNATIONAL News — Sangka Amerikanong journalist ro namatay samtang grabeng naninahan ro anang kaibahan sa katung-anan it pag-cover sa giyera sa tunga it Russia ag Ukraine sa Irpin.
Nakilaea ro journalist nga si Brent Renaud, sangka media awardee ag film maker samtang gina-operahan man sa sangka ospital ro anang kaibahan.
Owa man ginmitlang kon anong media company nagatrabaho ro mga biktima apang si Renaud ro kauna-unahang namatay nga dumueuong nga mediaman sa nasambit nga giyera.
Nasayuran nga naunang namatay si Ukraine journalist-cameraman Yevhenii Skaum kat tamaan ro Ukraine TV station sa Kiev.
Maeapit eamang ro Irpin sa Kiev ag raya hay sambilog sa mga ginasueod makaron it mga pwersang Russia agud nga maging daean nanda paagto sa Kyiv.
May pitong adlaw eon nga mabangis ro bakbakan it magtimbang nga parte sa nasambit nga lugar.
