KALIBO, Aklan–Nakalista ro US Centers for Disease Control and Prevention (CDC) it unang kaso it monkeypox sa estado it Massachusetts.
Suno kay Bombo International Correspondent Greg Aguilar it California, USA nga ro pasyente hay may history of travel sa Canada antes na-detect nga infected it monkeypox.
Ro kaeabanan nga sintomas it monkeypox hay ro eagnat, muscle ache, swollen lymph nodes ag mga pantal sa uyahon ag alima nga haeos kaparehas it suea-eob.
Posibleng maipasa ro monkeypox sa pamaagi it body fluids, monkeypox sores sa mga eambong ag bedding.
Posible man nga makarekober sa sakit matapos ro pilang dominggo ag maeaka eamang ro mga kaso nga nagatuga raya it pagkamatay.
Matueopangdan nga nakalista eon it kaso it monkeypox ro pilang nasyon sa Europa ko nagtaliwan nga mga adlaw.
