KALIBO, Aklan—Kapin sa an-om nga mga Australian citizen ro nabiktima it scam ukon fraud it pilang call center agent nga nakabase sa bahin it Pasig ko nagtaliwan nga buean it Setyembre.
Suno kay Bombo International Correspondent Denmark Suede it Sydney, Australia nga madinaeag-eon nga naaretso sa ginkasa nga raid it Philippine National Police (PNP) Anti Cybercrime Group ro 30 ka mga indibidwal nga eakot sa pagpangloko sa nasambit nga mga dumueo-o.
Ro gina-ubra suno kana it mga call center agent hay nagatanyag it property investment rason nga madasig nga nagkumpiyansa ro mga biktima.
Sambilog sigon sa mga biktima hay naka-transfer eon it masobra 200,000 Australian dollars.
Ro mismong insurance company sigon ro naka-detect nga may nagakatabo nga iligal nga aktibidad rason nga insigidang naghire ro an-om nga biktima it sangka private security firm nga maga-adto sa Manila agud nga makipag-coordinate sa PNP para ipatigayun ro raid.
