An-om nga katawo ro namatay matapos magpaeopok ro sangka gunman sa care home sa banwa it Daruvar sa Croatia.
Ro insidente hay nagresulta sa panawagan para sa mas hugot nga gun control sa nasyon.
Limang katawo kaibahan ro sangka empleyado ro gilayon nga namatay sa sueod it care home samtang sambilog pang biktima ro namatay sa ospital.
Suno sa pulisya, pilang katawo pa ro naninahan ag ap-at ro una sa kritikal nga kondisyon.
Matapos ro pagpamaril, nagpaeagyo ro suspek apang nadakpan man eagi sa sangka café kon sa siin nakit-an nga may daea nga mga bukon it rehistradong baril.
Ginpahayag ni Pangueong Zoran Milanovic nga nakibot imaw sa “savage, unprecedented” nga mass shooting ag nagpanawagan it mas hugot nga regulasyon sa mga nagapanag-iya it baril.
Samtang, gintawag mat-a ni Punong Ministro Andrej Plenkovic nga sangka “monstruous attack” ro hitabo ag nagpahayag it anang simpatiya sa pamilya it mga biktima.
