-- ADVERTISEMENT --
KALIBO, Aklan—Nagapadayun ro imbestigasyon it pulisya sa natabu nga panakawan sa sangka apartment sa Sitio Bantud, Barangay Manocmanoc sa isla it Boracay.
Base sa report halin sa Malay Police Station, nakilaea ro mga biktimang magkarelasyon nga British national nga sanday Francois James Armer ag Beverly Jayne Harness, 41, ag diver instructor sa nasambit nga isla.
Nabo-oe sa mga biktima ro laptop nga nagabalor it P40,000, P7,000 nga cash money ag iba pang gadgets nga nakabutang sa sangka bag.
Ginapatihan nga nakasueod ro mga manakaw sa glass window ag nagguwa sa main door it nasambit nga apartment.
