KALIBO, Aklan—Hugot sa gihapon ro monitoring it Aklan Police Provincial Office ukon APPO kontra sa tupada ukon illegal gambling.
Suno kay Aklan Provincial Director PCol. Ramir Perlito Perlas nga owa it ungkat ro pagpatigayon it anti-illegal gambling operation it mga otoridad sa tunga it ginapangatubang nga pandemya tuga it coornavirus disease ukon COVID-19.
Sa pihak kara may mga na-monitor sa gihapon nga nagpatigayon it nasambitan nga aktibidad sa nagkaeain eain nga munisipalidad.
Ro iba pa sigon kara hay nagatago sa andang mga pribadong farm agud nga indi masiklo it mga katapo it kapulisan.
May pagklaro man kara si PCol. Perlas, kung sa siin maskin pribadong lugar sigon ag makit-an nga may nagapatigayon nga illegal nga aktibidad hay puweding magsueod ro mga otoridad.
Nagpaandam pa raya sa publiko nga likawan ro pag-imbolbar sa ano man nga klase it illegal nga hilimuon.
Dugang pa kara nga ro mga madakpan nga indibidwal nga nagapatigayon it illegal nga tupada hay puweding pagamulatahan it kapin sa 20,000 pataas hasta sa pagkakulong bangud sa pag-eabag sa PD 449 ukon Illegal Cockfighting Law of 1974.
