KALIBO, Aklan—Nagapadayun sa gihapon makarun ro kampanya it Aklan Police Provincial Office kontra sa anuman nga klase it iligal nga aktibidad partikular eun ro bantog ag masami nga ginahimo makarun nga may pandemya, rong pagbueo-bueo.
Suno kay Police Major Willian Aguirre it Provincial Intelligence Unit it APPO nga sigidas ro andang pagbantay kontra sa mga illegal nga hilimuon sa bilog nga probinsya.
May kaangtanan kara, uman imaw nga nagpadumdom sa publiko nga kung indi gid malikawan ro pagsugae hay mag-adto eamang sa mga pasilidad nga unang permit sa pagpatigayon kara.
Maskin ro mga bueangan man sigon nga ginapasugtan nga mag-operate hay kinahangean nga magpatuman it mga nagakaigo nga protocol kapareho it physical distancing ag dapat ro mga ginapasueod eamang hay puro tanan bakunado kontra covid-19.
Sa pihak nga parte, ginpahayag man ni PMaj. Aguirre nga sa makarun hay may gina-validate sanda nga mga PNP personnel nga nadawit man ro pangaean sa illegal gambling.
