-- ADVERTISEMENT --
KALIBO, Aklan–Nakalista it daywang ka mga kaso it stray bullet ro Aklan Police Provincial Office ukon APPO sa kakatapos eamang nga pagsugaeaw it bag-ong dag-on.
Nasayuran nga ro mga insidente hay nailista sa banwa it Kalibo ag Numancia.
Suno kay Pssgt. Jane Vega, tagapaghambae it APPO nga sa makarun hay nagapadayun pa ro imbestigasyon it mga otoridad angot sa mga nasambitan nga insidente.
Samtang, nagapangayo man it bulig ro Aklan PNP sa publiko mas kapin sa may mga nasayuran angot sa insidente nga indi magkahadlok nga magsugid sa andang taeatapan bangud raya hay makabulig agud nga mapadasig ro daeagan it andang imbestigasyon.
