-- ADVERTISEMENT --
KALIBO, Aklan—Preparado eun ro security plan it Aklan Police Provincial Office ukon APPO may kaangtanan sa nagahieapit nga filing it certificate of candidacy para sa mga magapailihir sa nagahieapit nga 2022 national and local elections.
Suno kay Aklan Provincial Director PCol. Ramir Perlito Perlas it APPO nga magasuporta sanda sa Commission on Election sa adlaw it filing it COC nga maga-umpisa eun sa Oktobre 1 hasta 8.
Sa makarun hay nagpabilin sigon nga matawhay ro pamulitika sa probinsiya.
Samtang, nagpadumdom man raya sa publiko nga padayun nga magsunod sa ginapatuman nga health and safety protocol agud nga makalikaw sa coronavirus disease ukon covid-19.
