National News———-Nagpahayag it kahauman ro Australia nga buligan ro Philippine Army agud mas matutukan ro “territorial defense”.
Raya hay kabahin sa mga napag-istoryahan sa mga pagpueong ni Philippine Army Commanding General Lt. Gen. Romeo Brawner Jr. ag Australian Ambassador to the Philippines His Excellency Steven J. Robinson.
Ro pagpueong it daywang opisyal hay matapos mag-courtesy Call ro embahador kay Lt. Gen. Brawner sa Phil. Army Headquarters sa Ft. Bonifacio sa Taguig City.
Sa makarun hay naka-angkla ro koneksiyon nga pangdepensa it Pilipinas ag Australia sa tatlong kasugtanan: ro 1995 Memorandum of Understanding on Cooperative Defense Activities; the Philippines-Australia Status of Visiting Forces Agreement, ag ro 2015 Comprehensive Partnership Agreement.
Ro Philippine Army ag Australian Army kaibahan ro US Marine Corps hay nakataenang magpatigayon it trilateral combined exercise nga ginbansagang Carabaroo 2022, para mahasa ro andang mga tropa sa counter-terrorism, ag mas mapamayad ro teamwork sa tunga it mga pwersa it tatlong nasyon.
