KALIBO, Aklan—Ginpasiguro ni director PCol. Crisaleo R. Tolentino it Aklan Police Provincial Office ukon APPO nga ana pang pasanyugon ag pagapadayunon ro trabaho it mga pulis sa bilog nga probinsya.
Pila sa anang mga agenda hay ro pagpabaskog sa kampanya kontra sa illegal nga droga, sugae ag pagpabaskog pa gid sa seguridad para sa kaeowasan it mga pumueoyo.
Sa makaron sigon hay naga familiarize pa imaw sa mga trabaho nga anang naabutan ag kon anu pa ro pwedeng nga masustain.
Uman kara nga gin-insister nga padayon gihapon ro pakikipagsukoe sa pandemya apisar nga nagapadayon ro pagnaba it kaso sa bilog nga Aklan.
Ginpahayag dugang ni Tolentino nga mas pagataw-an kara it igtueopangod ro isla it Boracay bangud sa amat-amat nga pagdagsa it mga turista kasunod it pagpaidaeom sa probinsya sa alert level 2 kon sa siin ginapasugtan eon ro mga menor de edad nga makaguwa kamana man ro mga senior citizen.
