Gindayaw it Healthy Philippines Alliance ro Department of Health ag National Nutrition Council matapos aprubahan ro kauna-unahang Philippine Nutrient Profile Model (PNPM) sa nasyon.
Tuyo it PNPM nga magtaeana it limitasyon sa sugar, sodium, ag saturated fat sa mga processed ag packaged food products para makabulig sa pag-kontra sa pagtaas it kaso it non-communicable diseases kapareho it hypertension, diabetes, sakit sa tagipusuon, ag chronic kidney disease.
Pagagamiton ro sistema bilang basehan sa pagbutang it warning labels sa mga produktong mataas sa asin, asukal, ag tambok, pati eon man sa pagpatuman it food taxes, procurement policies it gobyerno, ag pagpahugot sa pag-market it unhealthy foods sa mga unga.
Base sa pag-tuon it University of the Philippines Manila College of Public Health, napamatud-ang epektibo ro modelo matapos rayang testingan sa masobta 5,000 packaged products nga ginabaligya sa lokal nga merkado.
Nagpanawagan man ro mga health advocates sa DOH ag NNC nga daeayon eon nga aprubahan ro polisiya para insigida rayang mapatuman sa bilog nga nasyon.
