Nagpangayo it pasaylo ro pamunuan it Banga-Kalibo jeepney Transport Service Cooperative sa mga commuters bangud sa gulpyadang pagpasaka it pamasahe nga uwa it paunang abiso.
Ginhinyo it chairman nga si Leandro Lenciano nga maghueogan lang it abaga ro kada isaea bangud nga nag-agi man sa legal nga proseso ro andang pagpataas it pamasahe.
Ginpahayag dugang nga mabuhay eon nanda nga ginaduso nga magapasaka sanda it pamasahe bangud sa kamahaeon it presyo it produktong petrolyo.
Mag-eowas kara, haeos tanan nga unit nanda hay nagabyahe eon ag may ginasunod gihapon sanda nga numero it pasahero nga pwedeng maipasakay.
Ro daywang piso nga dugang sa pamasahe hay mabahoe eon nga bulig sa andang adlawan nga kita eabi eon ag sanda gid ro eubus nga apektado it uman nga pagtaaas ko presyo it langis makaron nga adlaw it Martes.
