-- ADVERTISEMENT --
KALIBO, AKLAN – Padayun nga gina-imbestigahan it kapulisan ro nakit-an nga bangkay it sangka eaeaki nga may mga igo it pagbuno sa tiyan ag likod sa kilid it daeanon sa brgy. Aliputos, Numancia.
Ro biktima hay nakilaea kay Larry Morales, residente it purok 1 brgy. Mobo, Kalibo .
Sa interview it Bombo Radyo, ginpahayag ni Raul Morales , gumankon it biktima nga naka-uli pa sa andang baeay ro anang tiyo bandang alas-6 it gabi-i antes nga nasapwan ro anang patay nga eawas bandang alas-5 it aga-aga it sambilog pa nana nga tiyo .
Ginasugid nga ro biktima hay naga-uli kada gabi-i sa anang payag sa may bakueod .
Ginpahayag dugang nga indi nanda matumod kon may naka-away ro anang tiyo .
-- ADVERTISEMENT --
