KALIBO, Aklan—Bilang pagpahaum makaron nga tiempo it tag-uean, nagpatigayon it fogging ag clean up drive ro barangay council it Poblacion, Kalibo.
Suno kay punong barangay Neil Candelario it Poblacion, Kalibo nga raya hay matapos nga magpanguna sanda sa may nailistang pinakamataas nga kaso it dengue sa bilog nga banwa base sa record it Municipal Health Office.
Insigida sigon nanda nga gin-trace ro lugar ukon baeay it mga tinamaan it dengue para sa pagpatigayon it fogging agud nga malikawan ro mas pang pagkalhit it makamaeatay nga sakit nga nagahalin sa sugod it namok.
Sa Sabado nga adlaw suno kana hay uman sanda nga makaangkon it fogging sa mga lugar nga may nailistang kaso ag sa iba pang barangay.
Kadungan kara, ginpadumdum ni kapitan Neil ro mga residente nga magpartisipar sa kampanya kontra sa sakit nga dengue pinaagi sa paglimpyo sa andang mga lugar.
