KALIBO, Aklan—Nagapadayun ro ginahimo nga Basic Orientation Training para sa mga Barangay Tanod ag katapo it Barangay Peacekeeping Action Team sa banwa it Banga.
Suno kay P/Capt. Benny Jones Mendoza, hepe it Banga Municipal Police Station nga nagpasakop sa nasambit nga programa ro 30 tanan nga mga barangay it nasambit nga banwa kun sa siin gin-grupo nanda raya sa tatlo agud nga matutukan it husto.
Una eon sigon sanda sa ika-waeo nga session it andang Barangay Tanod Basic Orientation Training nga nagatuyo nga mas pa nga masayuran it mga Brgy. Tanods ag BPATs ro andang papel ag responsibilidad sa pagpatuman it peace and order, public safety, environmental protection ag pagpatuman it mga ordinansa sa barangay level.
Haeos 80% it mga tanod ro nakapaidaeum eon sa seminars and trainings.
Gintaw-an it importansiya ni Capt. Mendoza ro nasambit nga programa bangud nga sambilog ro mga tanod ag BPAT sa mga first responder sa anuman nga mga nagakatabu sa andang lugar.
Napamatud-an man suno kana nga naging epektibo ro orientation base man sa andang mga naging eksperyensiya sa tikang nga ginhimo it mga tanod sa pagresponde sa nag-eontad nga krimen ag iba pang insidente.
