KALIBO, Aklan—Dead on arrival sa Aklan provincial hospital ro sangka binatilyo matapos nga nakuryente sa katangkihan bandang alas-8:30 kabie nga sakop it Sitio Hagakhak, Brgy. Baybay, Makato.
Ginkilaea ni P/Corporal Michael Montibon it Makato PNP ro biktima nga si Francisco, 13-anyos ag residente it nasambit nga lugar.
Base sa inisyal nga imbestigasyon it pulisya, samtang nagapanueo sa katangkihan ro biktima kaibahan ro daywang iba pa hay nasaeawig kara ro nakalaylay nga live wire nga ginapanag-iyahan ni Michael Tabañera kon sa siin gulpi eamang sigon imaw nga nagkurog.
Ro insidente hay napan-unahan it anang mga kaibahan rason nga gilayon sanda nga nagpangayo it bulig kon sa siin madasig man nga nakaresponde ro mga miyembro it Municipal Disaster Risk Reduction Management Office ukon MDRRMO Makato ag gindaea ro biktima sa baeay paboengan apang gindeklara nga patay eon raya it nagtatap nga doktor.
