-- ADVERTISEMENT --
KALIBO, Aklan — Nagaabot sa P500,000 ro inisyal nga damage sa pagkasunog it bodega it ilimnon sa sueod it sangka mabahoe nga hotel sa Sitio Hagdan, Barangay Yapak, Boracay.
Suno kay FO1 Robert Loteldes it Bureau of Fire Protection (BFP)-Boracay, mabahoe eon ro kaeayo kat nag-abot sanda sa Fairways and Blue Water Resort rason nga ginkinahang-ean nanda ro dugang nga firefighters ag equipment it pilang kaeapit nga hotel sa isla.
Ginapatihan nga bangud sa nag-overheat nga airconditioning unit ro naging rason it sunog.
Apang, nagapadayon pa ro ginahimong imbestigasyon sa natabong sunog para sa pagtumod sa iba pang posibleng ginhalinan it kaeayo.
