KALIBO, Aklan—Target it lokal nga gobyerno it Aklan nga ro Boracay ro maging kauna-unahang tourism sites sa nasyon nga magabaton it mga dumueuong nga turista sa tunga it Covid 19 pandemic.
Raya ro ginpapahayag ni Aklan Governor Florencio Miraflroes kasunod it pagtaas it numero it mga fully vaccinated nga mga tourism workers ag residente sa isla ag mainland Malay.
Kaibahan sa mga international flights nga pwedeng pasugtan hay halin sa mga green countries nga natumod it gobyerno.
Umpisa ko Oktubre 23, ginpahayag it lokal nga gobyerno it Malay nga dapat makabakuna sanda it kapin sa 1,500 nga residente kada adlaw agud nga madali nga maabot ro herd immunity ag maipakita sa bilog nga kalibutan nga eowas ro Boracay sa paeag it Covid-19.
Sa makaron hay puro domestic tourist ro ginabaton sa Boracay.
Ginaeauman nga sa buean it Nobyembre hay pagaboe-on eon ro RT-PCR test nga travel requirements sa mga fully vaccinated nga turista nga may daeang vaccination certificate halin sa vaxcert.doh.gov.ph.
Nauna kara, nagbisita si Transportation Secretary Arthur Tugade sa Kalibo International Airport agud nga ipaabot nga haum eon ro paeuparan sa pagbaton it mas maabung turista kasunod it ginpaeapad ag pagbutang it mga state-of-the-art nga gamit sa paeuparan.
