Nakataeanang umukit it record sa kasaysayan si Brazillian table tennis player Bruna Alexandre.
Raya hay matapos nga napilian imaw nga maghampang sa Olympics ag Paralympic Games.
Suno sa Brazilian Table Tennis Confederation nga ro one-armed athlete hay nagdaog it ap-at nga Paralympic medals ag kaparte imaw it koponan nga magasabak sa Paris Olympics.
Ro 29-anyos hay nawad-an it tu-o nga butkon kat imaw hay eapsag pa eamang.
Magiging kaparehas eon lang nana sanday South African runner Oscar Pistorius ag Polish table tennis player Natalla Partyka nga nagpasakop sa Olympic ag Paralympic Games.
Naging pinakabatang Paralympian sa table tennis si Partyka nga nagpasakop sa Sydney Olympics ko 2000 sa edad nga 11 anyos ag naging unang table tennis player nga sumabak sa Olympics ag Paralympics nga ginpatigayon sa Beijing ko 2008.
