Kalibo Aklan —— Ginkumpirma ni Punong Brgy. Romulo Reportoso nga may nabaton imaw nga report halin sa anang mga constituents kaangot sa mga nagapanuktok sa pila ka mga baeay sa anang nasakupan sa Brgy. Agbanawan, Banga.
Suno kana, may ginsugid ro anang Brgy. Kagawad nga may nadakpan sanda nga babaye nga imaw ro ginadudahan nga nagapangatok sa mga baeay-baeay apang kat ginpusasan sigon nanda raya hay gulpi nga naggueowa ro anang mga kaibahan.
Bangud kara, gilayon sigon nanda nga ginbuhian.
May kaangtanan kara, ginhinyo ni Kapitan ro anang mga pumueoyo nga magreport sa anang taeatapan agud nga maireport gilayon sa pulisya.
Ginduea man kara ro kabaeaka ag kahadlok it publiko bangud nga padayon nga magabantay ro mga tanod ag mismong ro mga pulisya.
