Nagapadayon ro pagmamanman it barko it Philippine Coast Guard (PCG) nga BRP Teresa Magbanua sa ilegal nga presensiya it Chinese Coast Guard (CCG) vessels nga nagapakita it ‘erratic movements’ sa may babayon-kaeawran it Zambales, ginabuebanta 70-80 nautical miles halin sa pampang.
Sa sangka statement nga ginpakigbahin ni PCG spokesperson for the West Philippine Sea Commodore Jay Tarriela, padayon sigon ro pag-radio challenged it mga crew it BRP Teresa Magbanua sa mga barko it China para ipasayod kanda nga naga-operate ro mga raya sa sueod it exclusive economic zone it Pilipinas, bilang pagpakita eun man kanda it andang commitment para proteksyunan ro maritime sovereignty it mga nasyon, sandig eun man sa domestic ag international law.
Ginpamilit man it PCG crew nga klaro nga uwa it anuman nga legal nga awtoridad ro mga barko it China sa pagpapatrolya sa sueod it EEZ it PH ag ginsugo ro mga raya nga insigida nga aywan ro lugar.
sa parehong statement, ginpahayag it PCG nga nag-angkon it baeayluhan it CCG vessel 3103 ag 3304 ku hapon it Huwebes.
Sa pihak kara, nagapabilin sigon nga pareho ro katuyuan it deployment it mga barko it China ag raya hay para hay ipamilit ro normalization ag legitimacy sa nasambit nga katubian.
Sa pihak kara, ginpahayag it PCG nga indi masamad ro misyon kara nga sukean ro mga makaraya nga pagtinguha ag punggan ro anuman nga nga normalisasyon it ilegal nga deployment it mga barko it China.
Angot kara, sa idaeom it giya ni Commandant Admiral Ronnie Gavan, pagapadayunon ro PCG ro eubos nga pagsubaybay sa illegal nga presensiya it CCG kadungan ro pagprayoridad sa pambansang interes it PH ag likawan ro escalation.
