Ginbuksan eon sa publiko kahapon, Mayo 21 ro burol it ‘Queen of Philippine Movie’ nga si Susan Roces.
Ro patay nga eawas it beteranang aktres hay nakahamyang sa Heritage Memorial Park sa Taguig City.
May nakataeana eamang nga oras para sa publiko nga magabisita sa aktres kung siin kahapon nga adlaw nag-umpisa it alas-6 it agahon asta it alas-10 sa gabi-e.
Samtang, makaron nga adlaw it Dominggo , Mayo 22 asta sa adlaw it Martes,Mayo 24 umpisa alas-10 it agahon asta sa alas-10 it gabi-e magabukas para sa publiko ro burol it aktres.
Ginapadumdum man para sa tanan nga magabisita nga sundon ro mga minimum health protocols antes magsueod sa nasambit nga lugar.
Sa makaron, owa pa it nakataeana nga petsa para sa eubong it Queen of Philippine Movie, Susan Roces.
