-- ADVERTISEMENT --
Nagpromisa it pagsuporta sanday Canadian Prime Minister Justin Trudeau ag European Commission President Ursula von der Leyen para sa mga Ukrainian refugees nga nagahalin sa andang nasyon tuga it kinagamo.
Sa sangka pahayag, ginpaathag ni Trudeau nga sa makaron hay masobra 14,000 nga mga refugee eon ro ginbuligan it andang nasyon.
Sa datos it United Nations, naga-abot eon sa masobra 4.5 million Ukrainians ro tumakas sa andang nasyon samtang masobra 2.5 million kara ro temporaryong nagatinir sa Poland.
Ginpahayag dugang it Canadian Prime Minister nga ginakinahang-ean nga magpatigayun it mas grabe nga pagsabat ro global community angot sa padayun nga pag-atake it Russian forces sa Ukraine.
