Naghaead it pangamuyo ro Catholic Bishops’ Conference of the Philippines para sa ongang Kuwaiti nga ginpatay sigon it Pinay worker sa Kuwait.
Ginhaead ni Bishop Ruperto Santos, vice chairman it CBCP – Episcopal Commission for the Pastoral Care of Migrants and Itinerant People (CBCP-ECMI) ro pangamuyo ag pagpangasubo sa pamilya it namatay nga onga.
Kaibahan sigon sa anang pangamuyo hay ro magiyahan ag mabuligan ro pamilya it onga nga maeampasan ro naeksperyensyahan nga problema.
Mabahoe man sigon ro epekto it nasambit nga krimen sa kada Pilipino, kapin eon sa mga trabahanteng Pinoy sa ibang nasyon rason nga kinahang-ean ro pagtingob ag pangamuyo it kada isaea para uman nga maeampasan ro panibag-ong problema sa Kuwait.
Nag-apela man ro pari sa gobyerno nga mabuligan ro Pinay nga presenteng nakakulong.
Kadungan sa pag-apela it hustisya para sa batang Kuwaiti hay ro paghatod man it bastante nga bulig sa Pinay suspect, sa pihak it krimen nga nahimo.
