Pilang adlaw matapos ro pagbuhi sa pwesto nagtao it pagklaro ro chairman it Kalibo Sto. Niño Ati-atihan Management Council ukon KASSAMCO Inc.
Suno kay Apolonio Zaraspe III , chairman it KASSAMACO, nangin maayos ro preparasyon it andang grupo para sa nagahieapit nga Kalibo Sto. Niño Ati-atihan Festival apang indi malikawan nga may naga-abot nga problema.
Ginapabutyag dugang nga ro anang nangin desisyon hay kasunod it ginproposed nga agreement it municipal government sa banwa it kalibo nga maeuwas sa KASSAMCO hay makaangkon it Kalibo Festival Executive Board (KFEB), kung sa siin raya ro magaserbi nga decision-making body ukon magadesisyon it tanan nga pagahimuon sa selebrasyon.
Dugang pa kara, nagkonsulta imaw sa anang pamilya ag mga maeapit nga amigo antes napagdesisyunan ro paghalin sa nasambit nga pwesto.
