Ginrekomenda it Commission on Higher Education (CHED) nga i-eakot ro disaster response training engkaso nga paga-ubrahon nga mandatoryo ro Reserve Officers’ Training Corps (ROTC).
Suno kay CHED chairman Prospero De Vera, importante ro pag ensayo it mga estudyante bukon eamang sa military training pati eon man sa pagbilog it grupo it mga estudyante ukon volunteers nga maga-alalay sa gobyerno kada may kalamidad.
Gin-insiter ni De Vera nga kada tamaan it kalamidad ro nasyon, nagasalig eon lang ro tanan sa armed forces.
Apang suno sa CHED official nga pagahueaton pa nanda ag tan-awon kung ano ro mangin aksyon it Kongreso para mabalik it uman ro ROTC.
Sa oras sigon nga masumite ro nasambit nga sueundanan nga pagpatuman it ROTC sa higher education, anda pa rayang pagatutukan apang kung sa senior high school eamang, ro Department of Education ro magadesisyon kara.
Sa pihak nga parte,sambilog raya sa mga gusto nga ipatuman ni Presumptive vice-president Sara Duterte-Carpio ku nagtaliwan nga election campaign ro mandatory military service para sa tanan nga Pilipino edad 18 pataas.
