Arestado it Bureau of Immigration ro sangka high profile Chinese national sa Ninoy Aquino International Airport (NAIA) kadungan sa pagdumdom it kaabuan sa Semana Santa.
Suno sa bureau, naaresto ro dumueoong matapos magpakuno-kuno ag ipakilaea ro kaugalingon bilang Pilipino gamit ro alias Peter Buenaobra Zhuang.
Kabulig sigon sa operasyon ro Intelligence Service it Armed Forces of the Philippines sandig sa katuyuan nga maprotektahan ro integridad it mga dokumento sa Pilipinas.
Nailista man sigon sa naarestong suspek ro aktibong Philippine Passport nga ginagamit sa pagbyahe maskin nga imaw hay sangka Chinese ag bukon it Pilipino.
Base man sa Intel report it Immigration, nadiskubrehan mag-eowas sa pasaporte, may ginabuytan man raya nga ibang dokumento kaparehas it driver’s license, birth certificate ag marriage certificate.
Magapabilin ro dumueoong naaresto sa kustodiya it Bureau of Immigration samtang ginapangatubang ro mga kasong ginpasaka kontra kana.
