KALIBO, Aklan—Ginapasugtan eon it Department of Education ukon DepEd ro pagpatigayon it Christmas party sa mga eskwelahan makaron nga dag-on.
Raya hay sa pihak it nagapadayun gihapon nga paeag it COVID-19.
Suno kay Dr. Feliciano Buenafe, Jr., schools division superintendent it DepEd-Aklan nga owa pa sanda nakabaton it order halin sa national office angot sa guidelines ukon sueundanan sa pagpatigayon it Christmas party.
Apang sa ginpatawag kara nga pueong, ginkasugtanan it mga school heads nga dapat nga simple eamang ro pagpatigayon it mga Christmas party ag hugut nga ginabawae ro aeamutan.
Kinahangean man nga ipabilin nga eowas ro pagpatigayon it party.
Ro klase hay magatapos sa Disyembre 16 agud nga taw-an it daean ro Christmas break it mga estudyante ag magabalik sa Enero 2, 2023.
