KALIBO, Aklan—Nakalista eun ro commission on election ukon comelec-aklan it daywang ka mga aspirants nga nagfile it andang certificate of candidacy ukon coc agud nga magapailihir bilang sangguniang panlalawigan member it unang distrito it probinsiya.
Samtang nagapabilin nga sambilog ro nagfile it COC bilang congressman it ikaywang distrio nga si Retired Lt. Mac Wacan.
Raya hay base sa pinakaulihing datos it taeatapan umpisa ko unang adlaw it filing it coc hasta makarun nga adlaw it dominggo, Oktobre 3.
Suno kay Atty. Roberto Salazar, election supervisor it COMELEC- Aklan nga andang ginarespeto ro desisyon it mga pulitiko kung san-o ro mga raya maga-file it andang COC.
Pagpadumdom pa kara sa mga magafile it andang coc nga kung mag-adto sa mismong venue hay magsunod gid sa health protocol.
Importante man suno pa kana nga fill-upan ro tanan nga mga nakasueat sa COC.
Tan-awon kung may notary raya ag kung original ro tanan nga mga perma kamana nga dapat hay may documentary stamp antes nga batunon.
Nasayuran nga ro filing it COC hay gintaeana it comelec umpsisa oktobre 1 hasta 8 it presenteng dag-on.
