KALIBO, Aklan—Makaron nga nagahilapit eon ro September 30 deadline para sa voter’s registration, uman nga gin engganyo ni Crispin Raymund Gerardo, tagapaghambae it Commission on Elections ukon Comelec-Aklan ro mga pumueuyu nga magparehistro eon makaron ag indi eon paghueaton ro last minute.
Suno kay Gerardo nga mayad para sa atong demokrasya nga mas maabung Pilipino ro maka-angkon it partisipasyon sa electoral process pinaagi sa pagparehistro.
Raya hay sa pihak it restrictions nga tuga it ginapangatubang nga COVID-19 pandemic.
Sa pihak nga parte, gindugang pa ni Gerardo nga gintaeana it Comelec ro campaign period para sa election.
Umpisa Pebrero 8 hasta Mayo 7, 2022 hay pwedeng magkampanya ro national candidates.
Samtang sa Marso 25 hasta Mayo 7, 2022 man sa local candidates.
Indi man pwedeng magkampanya sa Abril 14 ag 15, 2022 bangud nga raya hay Maundy Thursday ag Good Friday.
Samtang, nagapahaum man ro COMELEC para sa filing it Certificate of Candidacy (COC) sa October 1 hasta 8, 2021.
