KALIBO, Aklan — Maga-instrikto ro Commission on Elections (Comelec) sa andang regulasyon angot sa campaign materials pinaagi sa andang operation baklas kasunod sa pag-umpisa it opisyal nga campaign period sa national candidates, adlaw it Martes, Pebrero 11, 2025.
Suno kay Chrispin Raymund Gerardo , spokesman it Comelec-Aklan nga pagakakason ro mga campaign materials nga indi magasunod sa limitasyon it sukat ukon ginbutang sa bukon it designated nga pampublikong lugar.
Dapat suno kana nga 2×3 eamang ro eapad it poster ag dapat nga may nakabutang nga “paid for ag paid by” ag himo sa recyclable materials.
Ginapasugtan man sigon it komisyon ro pagbutang sa mga private properties apang dapat kinahangean man sa gihapon nga magsunod sa regulasyon ag may consent ukon pahanugot halin sa tag-ana.
Sa pihak nga parte, ginpahayag pa ni Gerardo nga naga umpisa eon sanda sa pag training it mga magaserbisyo sa maabot nga eleksyon.
