Bilang pagpahaom para sa midterm elections sa Mayo 2025, naglunsar it Regional Joint Security Control Center (RJSCC) ro Commission on Elections (Comelec) Region 6, kaibahan ro Police Regional Office 6 (PRO-6) ag ro 301st Infantry Brigade ng Philippine Army agud pabaskugon ro seguridad it eleksyon sa Western Visayas.
Ginpangunahan nanday Comelec-6 Director Atty. Dennis Ausan, PRO-6 Director Brigadier General Jack Wanky, ag 301st Brigade Commander Brigadier General Michael Samson ro pagbukas kara agud nga siguraduhon nga matawhay ro proseso eleksyon kon sa siin raya ro magaserbeng nagapangunang sentro para sa koordinasyon it Comelec, pulisya, ag militar sa tyempo it eleksyon.
Gin-insister ni Ausan nga ro pagtukod it RJSCC hay importante sa pagpabilin it maayos ag eowas nga proseso it eleksyon.
Ro election period hay magaumpisa sa Enero 12, 2025 nga magadaea it nagkaeain-eain nga pagbag-o sa mga sueondanan kaparehas it gun ban ag maabong iba pa.
Magapatigayon it pagboto para sa mga overseas voters halin Abril 13 hasta Mayo 12, samtang ro mga Pilipino iya sa nasyon hay magaboto sa mismong adlaw it eleksyon sa Mayo 12.
