Commission on Election, nagpanawagan sa mga naduea sa voters’ list nga magpa reactivate para makaboto sa 2025 Midterm Elections

Nagpanawagan ro Commission on Elections sa mga indibidwal nga naduea ro pangaean sa voters list it ahensya nga magpa reactivate it uman agud makaboto sa maabot nga 2025 Midterm Elections.

Ginpahayag ni Comelec Chairman George Erwin Garcia, bumisita eamang sa pinakamaeapit nga Local Election Offices agud uman nga magparekord.

Suno kana, pwede eon makaron ma-reactivate ro andang status sa poll body gamit ro online it komisyon.

Ginklaro it opisyal nga uwa eon it pagahimuon nga biometric ag fingerprint bangud nga may datos eon ro poll body.

Kon madumduman, nagaabot sa haeos ap-at nga milyong mga botanteng Pilipino ro ginkakas it ahensya sa andang listahan bangud nga uwa sanda nakaboto it daywang magkasunod nga eleksyon.