Cong. Marquez, ginpasaeamatan ro bulig nga gintao ni Cong. Haresco sa mga apektadong pumueoyo it grabeng pagbaha

KALIBO, Aklan—Ginpasaeamatan ni Aklan 1^st District Congressman Carlito Marquez ro bulig ni Aklan 2^nd  District Congressman Ted Haresco para sa mga  naging biktima it maeapnagon nga pagbaha sa anang nasakupan nga distrito.

Naunang nakapadaea  it  bulig  sanday Haresco  ag Kalibo Mayor Juris Sucro para sa mga biktima it bagyo.

Sa anang diskurso sa  ika-451 nga  founding anniversary it Kalibo, aminado si Marquez nga medyu naulihi  ro pag abot  it anang ayuda  eabi pa ag maabu nga banwa  sa anang nasakupan ro  naapektuhan  it bagyo.

Sa mayad nga swerte suno kana  ag vice chairman it  gamhanan nga  appropriations committee it manaba nga kapueongan it kongreso  si congressman Haresco  rason nga nakataeana eagi  it pondo  para sa ginpanupod nga food packs.

Angot kara, ginpasiguro nana nga ginapahaum eon  ro bulig nga andang igatau kaibahan si Aklan Governor Joen Miraflores.

Plano sigon nanda nga magpatigayon it  cash pay-out  sa mga  biktima.