Ginpasugtan ni Russian President Vladimir Putin ro mga dating priso nga magsabak sa giyera kara sa Ukraine.
Raya hay matapos nga amyendahan it Russian President ro sangka laye para ipatawag ro mga reservists kaeakip eon ro mga kaeaeakihang convicted sa serious crimes kapareho it convicted murderers ag drug dealers nga ginpahilway eon.
Ro mga dating priso nga convicted sa sex crimes partikular sa mga pamatan-on uko ro terorismo hay ginabawean nga magsirbi sa military sa Russia.
Sa idaeom man it Russian law, owa eon ginpasugtan ro commutation ukon pagpanaba it sentensiya kabaylo it mercenary service.
Una eon nga gin-anunsiyo ni Putin nga kapin sa 49,000 eon maghalin sa 300,000 reservists ro gindeploy sa units nga sa Ukraine umpisa ko Setyembre.
