Kalibo Aklan —–Uman nga nagkalhit ro 2019 coronavirus disease (COVID-19) sa Seoul, South Korea.
Raya hay matapos nga nagwarang ro positive COVID patient sa ap-at nga pampublikong lugar partikular sa mga clubs.
Suno kay Bombo International Correspondent Yumi Kim, palaisipan makaron sa gobyerno ro naging motibo it pasyente matapos nga naka-infect raya it 200 ka mga indibidwal nga puro nagpositibo sa Covid-19.
Ginpahayag dugang ni Kim nga kapin sa 5,000 ro nakasalamuha it 29-anyos nga eaeaki nga Korean National apang 2,000 pa eamang ro na-trace it gobyerbno.
Tanan sigon nga mga infected hay naka-isolate eon kaibahan ro ginatumod nga carrier.
Ginpaathag nga sa South Korea hay naka-home quarantine eamang ro mga infected it sakit hasta nga magmayad.
Apang, eubus sigon nga ginkakibot it gobyerno nga nakaguwa ro Koreano ag nakasueod pa raya sa mga clubs.
Halin kat uwa eon it nailista nga COVID-19 cases sa nasyon hay ginhaeogaan eon ro mga restrictions kaibahan eon kara ro pagbukas it mga non-essential establishments bilang tikang man sa uman nga pagbangon it ekonomiya it nasyon.
Ro South Korea hay may kabilugang 11,050 nga COVID-19 cases.
Sa nasambitang numero, 262 ro namatay samtang 9,888 ro nakarekober matapos ro pagbueong ag quarantine period.
