Balitang Espesyal —- Sangka dalagitang basketball player halin sa Shandong, China ro gina-istoryahan ag ginadayaw it mga Chinese netizens bangud sa anang height nga 7 feet 5 inches sa edad nga 14!
Naging viral sa mga social media platforms ro litrato it dalagitang si Zhang Ziyu samtang nagahampang sa sangka basketball tournament sa Jingzhou.
Nakapuntos imaw it 42 points, 25 rebounds nga naging rason agud nga magdaog ro anang team.
Suno sa report, parehong professional basketball player ro mga ginikanan ni Ziyu. Sa sobrang taas it dalagita, naeampasan eon nana ro height it anang ina nga 6 feet 6 inches ag pati man it anang ama nga may height nga 6 feet 11 inches.
Limang dag-on pa eamang si Ziyu hay nagasanay eon imaw nga mag-basketball it anang ina nga dating miyembro it national team it basketball sa China.
Nag umpisa nga mataeupangdan nga mas mataas si Ziyu kumpara sa anang mga ka-klase kat imaw hay pitong dag-on ag 5’2 eon ro anang height.
Makaron nga 14-anyos eon imaw, sangkiri eon lang ag maaabot eon nana ro height it Chinese basketball superstar nga si Yao Ming nga may kataason nga 7’6.
Pilang basketball expert sa China ro naghambae nga siguradong may manami nga paeaabuton sa basketball si Ziyu kun pagatutukan it mayad ro anang mga training.
