Dating college runner, posibleng maglista it world record sa pagdaeagan it sang milya samtang may bitbit nga stroller

Posibleng makalista it bag-ong world record ro dating college runner nga si Stephen Biebelhausen matapos daeaganon ro sang milya sa sueod it 4 minuto at 17 segundo samtang ginatikeod ro anang unga sa stroller.

Nagawa nahimo nana ray sa Guardian Mile race sa Cleveland, Ohio, samtang kaibahan ro anang unga nga si Blake.

Mas madasig ro anang oras kumpara sa dating rekord nga 4:26.29 nga nalista ku 2025.

Apang, kinahangean gihapon beripikahon it Guinness World Records ro resulta antes raya opisyal nga kilaean-on nga bag-ong world record.

Bukon man sigon orihinal nga target ni Biebelhausen nga basagon ro rekord ag gusto pa nana nga mapanami ro anang oras sa paagi it dugang nga pag-ensayo.