Nagpaguwa it update ro International Criminal Court (ICC) angot sa kahimtangan ni dating Pangueong Rodrigo Duterte samtang una sa detention facility sa The Hague.
Suno sa ICC Registry, ginakabig si Duterte bilang sangka “elderly detained person” nga may mataas nga peligro sa pagkahueog kaya ginpaidaeom imaw sa daeayon nga cell monitoring.
Ginpahayag it ICC nga sa mga nalistang kahigayunan it pagka-dusmo dating pangueo, insigida nga nakasabat ro custody staff ag ginpaidaeom imaw sa medikal nga pag-usisa.
Uwa man sigon it nalistang insidente it pagkahueog sa nagtaliwan nga 30 diyas.
Ginpatigayon eon man it ICC ro pilang adjustments sa anang kulungan ag kagamitan para masigurado ro anang kaeuwasan kaginhawaan samtang nakakulong
Uwa man ginsapubliko it ICC ro detalye it mga gina-batyag ni Duterte bangud sa medical confidentiality.
Ro 81-anyos nga dating pangueo hay nagapangatubang sa kasong crimes against humanity angot it war on drugs ag umano’y Davao Death Squad killings. Ku Abril 23, 2026, ginkumpirma it ICC ro mga kaso kontra kana kaibahan ro murder ag attempted murder.
